Sigríður Sigurðardóttir

16.8.2009 | 21:28

Syndney vs. Þórshöfn

Að ruglast á Syndey og Sydney er hálfu verra en að ruglast á Þórshöfn og Þórshöfn, það er þó innan sömu heimsálfu.

Í fyrrasumar stóðu uppi vegalausir á Akureyri ferðalangar frá USA. Ferðinni var heitið til Þórshafnar... í Færeyjum en ekki voru þau sterkari í landafræði en svo að þegar þau skipulögðu og bókuðu ferðina á netinu var stefnan tekin á Þórshöfn á Langanesi... létt verk var að leiðrétta þann kúrs.

	Rugluðust á Ástralíu og Kanada
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég lenti í þessu sjálfur í sumar: Að fara til Þórshafnar á Langanesi í stað Færeyja. Ungur ferðafélagi minn sá um að bóka flug og gistingu á netinu með þessari niðurstöðu.

Jens Guð, 17.8.2009 kl. 13:49

...og ég sem var hneyksluð á landafræðikunnáttu útlendinga

Sigríður Sigurðardóttir, 17.8.2009 kl. 20:08

Þetta hefur ekki beinlínis með landafræði að gera. Þannig lagað. Þegar ég var að fylgja unga kunningja mínum til Færeyja hafði sá aldrei til eyjanna komið. Við töluðum bara um að vera í Þórshöfn. Kunninginn bókaði þar fyrir okkur hótel og hugsaði ekki út í annað en við værum að fara til Þórshafnar.

Þegar hann bókaði flugmiða á netinu hakaði hann við brottför frá Reykjavík og áfangastaðinn Þórshöfn. Hann hugsaði - að sumu leyti eðlilega - ekki út í aðra möguleika. Enda aldrei áður bókað flug hjá Flugfélaginu.

Við mættum seint í innritun snemma að morgni. Ég rykaður eftir næturslark. Flogið var til Akureyrar og þar skipt um flugvél. Ég hef farið til Færeyja 20 sinnum eða svo og þaulvanur allskonar útfærslum á flugi. Var ekkert að kippa mér upp við flækinginn. Enda búinn að fara til Færeyja með því að lenda á Egilsstöðum (og gista þar yfir nótt), Skotlands, Danmerkur og Þýskalands. Mér er líka kunnugt um að algengt sé að flug til Færeyja fari til Noregs. Svona var þetta bara. Og tafði ferðina til Þórshafnar í Færeyjum um viku.

Jens Guð, 17.8.2009 kl. 22:35

Þetta er það sem maður kallar að taka á sig "smá aukakrók" eða fara Krýsuvíkurleiðina á áfangastað.. með fullri virðingu fyrir þeim ágæta stað.

Gott að geta gert gott úr svona óvæntu ferðalagi er ekki viss um að ég hefði haft húmor fyrir því...